Нашр учун тезислар 2024 йилнинг 30 август кунига қадар Республика хирургик ангионеврология ихтисослаштирилган марказининг веб-сайтида – www.angiomeeting2024.tilda.ws ёки angionevrology@mail.ru электрон почтасида қабул қилинади.

• Тезислар муаллифларнинг конференцияда муҳокама қилинадиган масалаларга бўлган нуқтаи назарини акс эттириши керак.
• Тезис ҳажми икки саҳифадан (А4) ошмаслиги ва электрон шаклда (MS WORD, Times New Roman шрифти, 12 кегль, 1 интервал) бўлиши лозим.
• Тезиснинг НОМИ – бош ҳарфлар билан.
• Муаллиф ва ҳаммуаллифларининг фамилияси, исми, отасининг исми – бош ҳарфлар билан.
• Муаллиф ва ҳаммуаллифлар ишлайдиган даволаш ёки илмий муассасанинг номи; шаҳар, мамлакат – кичик ҳарфлар билан.
• Изоҳ: агар ҳаммуаллифлар турли муассасаларда фаолият олиб боришса, унда ҳар бир ҳаммуаллифнинг фамилиясидан кейин тартиб рақами қўйилади ва «Ҳаммуаллифнинг иш жойи» устунида муассасалар (ташкилотлар) кетма-кет кўрсатилади.
• Тезис матни: сарлавҳалар номлари: «Тадқиқот мақсади», «Материал ва методлар», «Натижалар», «Муҳокама», «Хулосалар»; сарлавҳалар номларидан сўнг икки нуқта «:» қўйиш лозим.
• Изоҳ: агар тезиснинг мавзуси «Клиник ҳолат» бўлса, унда сарлавҳаларнинг номларига риоя қилишнинг ҳожати йўқ. Сарлавҳанинг номидан сўнг жумла бош ҳарф билан бошланади.
• Тезислар номларида қисқартмалардан фойдаланманг; тезис матнида атамаларнинг қисқартмаларидан фойдаланилганда биринчи марта атама тўлиқ ёзилади, сўнгра қавс ичида қисқартма кўрсатилади.
• Тезисларни нашрга қабул қилиш тўғрисидаги қарор Ташкилий қўмита томонидан амалга оширилади, нашрга қабул қилинганлик ҳақидаги билдиришнома муаллифлардан бирига кўрсатилган электрон почта манзилига юборилади. Битта муаллифдан 5 дан ортиқ тезис қабул қилинмайди.
• Клиник ҳолатларни кўриб чиқиш учун юборилганда, илтимос, фотоматериаллар, ангиограммалар, операциялар схемаларини қўшимча қилиб юборинг.