Ҳурматли ҳамкасблар!
ЎЗБЕКИСТОН РЕСПУБЛИКАСИ СОҒЛИҚНИ САҚЛАШ ВАЗИРЛИГИ
РЕСПУБЛИКА ХИРУРГИК АНГИОНЕВРОЛОГИЯ ИХТИСОСЛАШТИРИЛГАН МАРКАЗИ
ТОШКЕНТ ТИББИЁТ АКАДЕМИЯСИ
Сизни 2024 йил 18-19 октябрь кунлари бўлиб ўтадиган
«СУРУНКАЛИ БОШ МИЯ ҚОН АЙЛАНИШИ ЕТИШМОВЧИЛИГИНИ ЭРТА ТАШХИСЛАШ ВА ДАВОЛАШНИНГ ЗАМОНАВИЙ ЖИҲАТЛАРИ»
мавзусидаги X ҳалқаро конференция иштирок этишга таклиф қилади.
Конференцияда сурункали бош мия қон айланиши етишмовчилигини эрта ташхислаш ва замонавий даволаш масалалари, ушбу йўналишдаги муаммолар ва истиқболлар муҳокама қилинади.
Конференция доирасида етакчи мутахассисларнинг маърузалари, шунингдек, давра суҳбати ўтказилиши режалаштирилган бўлиб, унда конференция иштирокчиларини қизиқтирган долзарб масалаларни муҳокама қилиш имконияти бўлади.
Конференциянинг мақсади: хирургик ангионеврологиянинг глобал ривожланиш тенденцияси билан танишиш. Тажриба алмашиш, янги технологиялар билан танишиш, сурункали бош мия қон айланиши етишмовчилигини ташхислашнинг янги усулларини жорий этиш, очиқ ва рентгенэндоваскуляр амалиётларнинг яқин ва узоқ муддатли натижаларини муҳокама қилиш. Жаррохлик амалиётининг у ёки бу усулини амалга оширишда юзага келиши мумкин бўлган асоратлар ва хатоликларни ўрганиш. Гибрид амалиётларни амалга оширишда кенг тажриба алмашиш, жаррохлик аралашувларидан кейин беморларни реабилитация қилиш.
- Уйқу ва умуртқа артериялари патологиясини эрта ташхислаш.
- Уйқу артериялари патологиясини хирургик даволаш.
- Уйқу артериялари касалликларини эндоваскуляр даволаш.
- Брахиоцефал ва коронар артериялар қўшма зарарланишларини хирургик даволашнинг ҳозирги кундаги ҳолати ва келгусидаги истиқболлари.
- Сурункали бош мия қон айланиши етишмовчилигини ривожланишида вертебро-базиляр тизимнинг аҳамияти.
- Вертебро-базиляр етишмовчилик клиникаси мавжуд бўлган беморларни хирургик даволаш.
Конференция Ўзбекистон учун йилнинг ажойиб даврида бўлиб ўтади ва меҳмонлар юртимизни унинг бетакрор гўзаллигида кўришлари мумкин. Конференция иштирокчилари учун маданий дастур (Самарқанд шаҳрига саёҳат) режалаштирилган бўлиб, бу ўз навбатида бизнинг илиқ муносабатларимизни янада мустаҳкамлайди ва келгусида ҳамкорликдаги лойиҳаларимизни ривожлантиради.
Конференция ўзбек, рус ва инглиз тилларида ўтказилади.
РЕСПУБЛИКА ХИРУРГИК АНГИОНЕВРОЛОГИЯ ИХТИСОСЛАШТИРИЛГАН МАРКАЗИ
ЎЗБЕКИСТОН РЕСПУБЛИКАСИ СОҒЛИҚНИ САҚЛАШ ВАЗИРЛИГИ
ТОШКЕНТ ТИББИЁТ АКАДЕМИЯСИ
